[center]الى الشاعر العراقي رحيم المالكيرحمة الله [/center]

معروف الثمر تكَطعه يلّه ايفيـــــــــد
بـــــــس التفرقه لليبـــــقى شاتـــــلهه
ظنوهه المناجل للحصـــد مو غيــــر
صـــــــرت للتفرقه بس انت منجــلهه
رحيم المالكي تصحيني ما صحّيــــــت
ادوّر عالمنيه وانــــــــــــــت مو الهه
حررت الكَلب وانا بعتـــــــــاب وياك
منسوف الكلب والتفـــــــــــــرقه ملهه
وعطشان الفرات ودوم يبجي اعليك
جرفينه دموعه ويبس من هلــــــــــهه
أتمنى اخاف انا لعد طــــــــــــرواك
حتى اتمــــــــرد بأسمــك واكن كَدهه
عالم انت والله والسبب معــــروف
بس انت دريت ابحسنه وابعــــــزهه
الموت لكل شهم لو جان شخص الموت
الجبانيه التكتله موش اللـــــــــي يلفهه
مشتاكَ الجفن بس رافض انت اتموت
راد الملتقى وجـــــــــــــهك مع وجهه
لأن هذا الجفن من اطهر الأطـــــــهار
يغسلونك رفض واخيوطه حضــــننك
ولأنك طاهر وانت شهيــــــــــد الله
اخيوط الجـــــــــــفن بس هنه فهمنك
حروفك والقصايد من يمر طاريـــك
روح الموت تقبضهه تره منــــــــــــك
تمشي اعله الشفاه وتعثر ابطاريــك
الشـفايف جن جرس واللي يدكَ رنك
مو طبعك تركنه وتغفه وانت اتنام
اهو درس الخلود اتطبقــــــه ابفنك